အမျိုးသမီးများ ဓမ္မတာ မမှန်တဲ့ရောဂါ…

ဓမ္မတာမမှန်သော အမျိုးသမီးများသည် ကျန်းမာရေးချို့ယွင်းခြင်းကြောင့် အသားအရည်မစိုမပြေ၊ မီးယပ်ပိန်နေပြီး မီးယပ်ပိန်၊ မီးယပ်ခြောက်ဟူ၍ တင်စားပြောဆိုကြသည်။ ဓမ္မတာလာခြင်း၊ ရာသီလာခြင်း (သို့) မီးယပ်သွေးပေါ်ခြင်းသည် အမျိုးသမီးတို့ ဖြစ်ရိုးဖြစ်စဉ် သဘာဝပင်ဖြစ်၍ ဓမ္မတာလာခြင်းနှင့် ဓမ္မတာမမှန်ခြင်း စသည်တို့၏ သဘောသဘာဝကို မိန်းကလေးတိုင်း စေ့စေ့ငငသိရှိနားလည်ရန်လိုသည်။

ဓမ္မတာဆိုသည်မှာ ဓမ္မတာလာခြင်း၊ မီးယပ်သွေးဆင်းခြင်းဆိုသည်မှာ အမျိုးသမီးတို့၏သားအိမ်အတွင်းမှ အချိန်မှန်မှန် ထပ်ခါတလဲလဲ လစဉ် သွေးဆင်းခြင်းပင်ဖြစ်သည်။ အပျိုအရွယ်ရောက်စအချိန်မှ သွေးဆုံးသည်အထိ ကိုယ်ဝန်ဆောင်စဉ်ကာလမှလွဲ၍ အစဉ်အမြဲဖြစ်ပျက်နေသော ဓမ္မတာ တစ်ရပ်ပင်ဖြစ်၍ ဓမ္မတာလာသည်ဟု ခေါ်သည်။ လစဉ် အချိန်မှန်လာတတ်သည်။ ရာသီလာသည်ဟုလည်း ပြောဆိုကြသည်။

ဓမ္မတာလာခြင်းသည် အမျိုးသမီးတို့ မျိုးပွားအင်္ဂါ အစိတ်အပိုင်းများ၏ ဇီဝကမ္မလုပ်ငန်းကို ဖော်ပြသည့် သဘောလက္ခဏာတစ်ရပ် ပင်ဖြစ်သည်။ ဤသို့ ဓမ္မတာလာခြင်းမှာ မမျိုးဥအင်္ဂါမှ ထုတ်လုပ်သော မဟော်မုန်းဓာတ်နှင့် သန္ဓေတည်ဟော်မုန်းဓာတ်တို့ကြောင့် သားအိမ်အတွင်းသားသည် အမမျိုးဥနှင့် အဖိုပိုး ထိတွေ့သန္ဓေတည်ပါက အဆင်သင့်ဖြစ်နေစေရန် တိုးပွားများပြားလာ၍ ထူလာပြီးမှ သန္ဓေမတည်သည့်အခါတွင် ထိုပြင်ဆင်မှုများ အလဟသဖြစ်ကာ ပျက်ပြယ်ပြီး သွေးများနှင့်အတူ သားအိမ်အပြင်သို့ ကြွေကျရခြင်းဖြစ်သည်။

ဓမ္မတာစတင်၍လာခြင်း – ဓမ္မတာလာခြင်းသည် အပျိုအရွယ် ရောက်စအရွယ် အသက် ၁၂နှစ်မှ ၁၈ နှစ်အတွင်း စတင်ဖြစ်ပေါ်လေ့ရှိသည်။ ဓမ္မတာစတင်လာသည့် အသက်အပိုင်းအခြားသည် လူမျိုးဓလေ့ထုံးစံ နေရာဒေသ၊ ရာသီဥတု၊ အပူ၊ အအေးကိုလိုက်၍ ကွဲပြားခြားနားသည်။ ပူသောနိုင်ငံအချို့တွင် အေးသောနိုင်ငံများထက် စော၍ အမျိုးသမီးငယ်များ ဓမ္မတာ စတင်လေ့ရှိသည်။

ထို့ပြင် ပတ်ဝန်းကျင်အခြေအနေ၊ လူမှုရေး၊ ပေါင်းသင်းဆက်ဆံရေး၊ လူနေမှုအဆင့်အတန်း၊ မိဘမျိုးရိုး၊ ကျန်းမာသန်စွမ်းခြင်းနှင့် ပြည့်စုံမှု၊ အာဟာရဓာတ်ပြည့်ဝမှု စသည်တို့အပေါ်တွင်လည်း မူတည်လေသည်။ ဓမ္မတာလာစ ကနဦးကာလများတွင် ဓမ္မတာမမှန်တတ်ပါ။ နှစ်နှစ်၊ သုံးနှစ်အတွင်းလစဉ် မှန်မှန်လာလေ့ရှိ၏။ မှန်ကန်သည့် ဓမ္မတာ – မှန်ကန်သော ဓမ္မတာဖြစ်စေရန် ဓမ္မတာလာခြင်း၏ ပမာဏ၊ အချိန်ကာလ၊ ယင်း၏ တစ်ကြိမ်နှင့် တစ်ကြိမ်ကြားကာလ ဓမ္မတာလာစဉ် နာကျင်ကိုက်ခဲမှု စသည့် အချက်အလက်များ မှန်ကန်သင့်သည်။

ဓမ္မတာစတင်သည့် ပထမနေ့ကစပြီး နောက်တစ်ကြိမ် ပထမစတင် ဓမ္မတာလာသည့်အနေအထိ ကာလအပိုင်းအခြားသည် ပျမ်းမျှ ၂၈ ရက်ကြာသည်။ အမျိုးသမီး တစ်ဦးနှင့်တစ်ဦး မတူကြ၍ အနည်းဆုံး ၂၁ ရက်မှ အများဆုံး ၃၅ ရက်ထိ ဖြစ်နိုင်သည်။ အမျိုးသမီးတစ်ဦးတွင် ဓမ္မတာလာပုံလာနည်းမှာ များသောအားဖြင့် အစဉ်တူညီခြင်း ရှိတတ်သော်လည်း ဓမ္မတာလာသည့်အချိန်များသည် တိတိကျကျ အမြဲမှန်ကန်ရမည်ဟု မဆိုသာပေ။နှစ်ရက်၊ သုံးရက်စောခြင်း၊ နောက်ကျခြင်း စသည်တို့မှာ မကြာခဏ ဖြစ်လေ့ရှိကြသည်။ ဓမ္မတာလာစဉ်ကာလသည် အနည်းဆုံး နှစ်ရက်မှ အများဆုံး ခုနှစ်ရက်ထိ သုံးရက်မှ ငါးရက်ထိကြာသည်။ ပထမရက်တွင် သွေးများများဆင်း၍ ယင်းနောက် တစ်ရက်၊ နှစ်ရက် နည်းသွားပြီး ပြီးခါနီးရက်များတွင် တစ်ဖန် ပိုများလာတတ်သည်။

ဓမ္မတာရာသီသွေးသည် အခြားသွေးများနှင့်မတူဘဲ ကွဲပြားခြားနားသော အရောင်အဆင်းနှင့် အနံ့အသက် ရှိလေသည်။ တစ်ခါတစ်ရံတွင်လည်း သွေးအစိုင်အခဲငယ်ကလေးများ ပါဝင်တတ်သည်။ ပထမဓမ္မတာပေါ်စ တစ်ရက်နှစ်ရက်တွင် နီရဲသောအရောင်ရှိပြီး နောက်ပိုင်းရက်များတွင် အညိုရောင်သို့
ပြောင်းလဲတတ်သည်။ ယင်းသို့ ဖြစ်ရခြင်းမှာ သွေးများအတွင်းရှိ သွေးနီဥများ ပျက်စီး၍ အရောင်ပြောင်းရခြင်း ဖြစ်သည်။ ဓမ္မတာလာရက်များသည်နှင့်အတူ အနံ့အသက်လည်း နည်းပါးပျောက်ကွယ်သွားလေသည်။ အချို့တွင် ဓမ္မတာလာပြီးလျှင် ပြီးချင်း (သို့) များမကြာမီတွင် အဖြူရည်အနည်းငယ် ဆင်းလာတတ်လေသည်။

ဓမ္မတာလာနေသည့်အခါတွင် ဓမ္မတာလာချိန်တွင် ကိုယ်လက်မအီမသာ လေးလံထိုင်းမှိုင်းခြင်း၊ မောပန်းလွယ်ခြင်း၊ ဝမ်းနည်းစိတ်အားငယ်ခြင်း၊ စိတ်လှုပ်ရှားခြင်း၊ ကိုယ်လက်ကိုက်ခဲခြင်း၊ ခေါင်းကိုက်ခြင်း၊ ရင်သားများတင်း၍ ထိမိလျှင် နာကျင်ခြင်းတို့ ဖြစ်လေ့ရှိသည်။ ဓမ္မတာလာစဉ် (သို့) လာခါနီးအချိန်ကာလများတွင် များစွာသော အမျိုးသမီးများသည် နာကျင်ကိုက်ခဲခြင်းအမျိုးမျိုးကို ခံစားရလေ့ရှိသည်။ အချို့မှာ ဓမ္မတာလာခြင်းကို အမျိုးသမီးတို့အနေဖြင့် သာမန်သဘာဝအလျောက်ဖြစ်သော ဆီးသွားခြင်း၊ ဝမ်းသွားခြင်း စသည့် လုပ်ရိုးလုပ်စဉ် သဘာဝဖြစ်ရပ်တစ်ခုအနေဖြင့် သဘောမထားဘဲ ဒုက္ခတစ်ရပ်၊ အလုပ်ပိုတစ်ခုဟု ယူဆကာ စိုးရိမ်ကြောင့်ကြမှုများ ပေါ်ပေါက်လာပြီး နာကျင်ကိုက်ခဲမှုများ ခံစားရလေသည်။

ဟော်မုန်းဓာတ်များ ပိုမို အလုပ်လုပ်လာ၍ သားအိမ်၏ အခြေအနေပြောင်းလဲစေခြင်း၊ သားအိမ်ကြွက်သားများ၊ အာရုံကြောများ လုပ်ငန်းစဉ် ညီမျှမှုမရှိသေးခြင်း စသည်တို့ကြောင့် ဆီးစပ်မှ နာကျင်ခြင်း၊ ခါးကိုက်ခြင်း၊ ခါးနာခြင်း တို့လည်း ခေတ္တခဏဖြစ်တတ်ပါသည်။ အမှန်စင်စစ် အမျိုးသမီးများ ဓမ္မတာလာခြင်းဖြစ်စဉ်မှာ မိမိတစ်ဦးတည်းသာခံစားနေခြင်းမဟုတ် ကမ္ဘာပေါ်ရှိ အမျိုးသမီးတိုင်း လစဉ်တွေ့ကြုံခံစားရသော သဘာဝဖြစ်ရပ်တစ်ခုသာဖြစ်ကြောင်း လက်ခံရယူခြင်းဖြင့် စိုးရိမ်ကြောင့်ကြမှုများ ကင်းရှင်း၍ နေသင့်ပါသည်။

ဓမ္မတာလာစဉ် ဆင်ခြင်ရန် ဓမ္မတာလာခြင်းသည် ရှက်စရာ၊ ကြောက်ရွံ့စရာမဟုတ်ပါ။ အမျိုးသမီးတို့၏ သဘာဝလက္ခဏာ ပြည့်စုံလာခြင်းမည်သည်။ ဓမ္မတာလာစဉ်၌ ပုံမှန်အတိုင်း သွားလာနေထိုင်နိုင်သည်။ ရေချိုးခြင်း၊ ကိုယ်လက်သန့်စင်ခြင်း၊ ခေါင်းလျှော်ခြင်း စသည်တို့ ပုံမှန်အတိုင်း လုပ်ဆောာင်နိုင်ပါသည်။

ဓမ္မတာလာစဉ်ကာလသည် တစ်ကိုယ်ရေသန့်ရှင်းမှု အလွန်လိုအပ်သည့် အချိန်ဖြစ်သဖြင့် တစ်နေ့နှစ်ကြိမ် ရေချိုး၍ ကိုယ်လက်သန့်စင်သင့်သည်။ ရေချိုး၊ ခေါင်းလျှော်ရာတွင် အအေးမမိရန် ဂရုစိုက်ရမည်။ ဓမ္မတာသွေးဆင်းသည့် ပမာဏကိုလိုက်ပြီး သန့်ရှင်းစင်ကြယ်၍ နူးညံ့သောအောက်ခံခါးတောင်းကျိုက်နှင့် လုံချည် (သို့) အမျိုးသမီးလစဉ်သုံးကပ်ခွာ ပစ္စည်းသုံး၍ လဲပေးရမည်။ ဓမ္မတာလာစဉ် အစားအစာကို လိုရာစားနိုင်သည်။ အထူးသဖြင့် အာဟာရဓာတ်ပြည့်ဝသော အစားအစာ ဂရုစိုက်ပြီး စားသုံးမှီဝဲသင့်သည်။ အမျိုးသမီးအများစု စိုးရိမ်တတ်ကြသော လက်ဖက်၊ ဆီးဖြူသီး၊ ဖန်ခါးသီး ကို ရှောင်ကြဉ်သင့်သည်။ တန်ဆေးလွန်ဘေး မဖြစ်စေရန် မည်သူမဆို မည်သည့် အခါ၌ပင်ဖြစ်စေ သင့်တင့်ရုံ စားသုံးသင့်သည်။

ဓမ္မတာလာစဉ်ကာလ၌ အမျိုးသမီးတို့၏ ပြုမူလှုပ်ရှားဆောင်ရွက်မှု၊ တွေးတောဆင်ခြင်မှုများသည် ရိုးရိုးအချိန်အခါများထက် ထက်မြက်မှု အနည်းငယ် လျော့နည်းသည်ဆိုပြီး စိတ်ပညာရှင်များ လေ့လာတွေ့ရှိကြသည်။ သို့ဖြစ်၍ ဓမ္မတာလာစဉ်၌ အမျိုးသမီးတိုင်းသည် မိမိခန္ဓာကိုယ်၏ ကိုယ်စိတ်နှစ်ဖြာကျန်းမာရေးနှင့် မိမိ၏ လုပ်ငန်းအဝဝကို ပိုမို ဂရုစိုက်ဆောင်ရွက်သင့်ပြီး ကြောက်ရွံ့ပူပန်နေ၍လည်း မဖြစ်သင့်ပေ။

သားအိမ်ခေါင်းကင်ဆာရောဂါမှာ ကြောင့် ဖြစ်ရသည်။ အမျိုးသမီး (အာရှတိုက်) တွင် လေးမိနစ်တိုင်း အမျိုးသမီးတစ်ဦး သားအိမ်ခေါင်းကင်ဆာကြောင့် သေဆုံးနေရသည်။ အသက်အရွယ်မရွေး၊ အဆင့်အတန်းမရွေး လိင်ဆက်ဆံဖူးသည့် အမျိုးသမီးတိုင်း ဖြစ်တတ်သည်။ အခြားကင်ဆာများထက် ထူးခြားသည်မှာ ကင်ဆာကာကွယ်ဆေး ရှိသည်။ သားအိမ်ခေါင်းကင်ဆာ ကာကွယ်ရေးကို သုံးကြိမ်ဆက်တိုက် ထိုးနှံထားလျှင် ဘဝတစ်လျှောက်လုံး
သားအိမ်ခေါင်းကင်ဆာဒဏ်ရာမှ ကာကွယ်နိုင်သည်။ သားအိမ်ခေါင်းကင်ဆာ ဖြစ်လျှင် ရာသီသွေးမမှန်ခြင်း၊ ထိမ်ခြင်းများ ဖြစ်သည်။