အတွင်းခံနဲ့ ပတ်သက်ပြီး လုပ်လေ့ရှိတဲ့အမှားများ

အမျိုးသမီးများအတွက် အတွင်းခံဝတ်ဆင်ခြင်းက ကျန်းမာရေးအတွက်ရော အလှအပအတွက်ပါ ကာကွယ်ထားခြင်း တစ်မျိုးလို့ သတ်မှတ်နိုင်ပါတယ်။ ဒါပေမယ့် အတွင်းခံဘောင်းဘီနဲ့ ပတ်သက်ပြီး သတိမမူခဲ့ရင်တော့ ကျန်းမာရေး ပြဿနာ ဆိုးဆိုးရွားရွားတွေကို ရင်ဆိုင်ရနိုင်ပါတယ်။ ဆီးလမ်းကြောင်းပိုးဝင်တာ၊ မှိုရောဂါတွေက အတွင်းခံဘောင်းဘီကြောင့် ဖြစ်စေတတ်တဲ့ ရောဂါတွေဖြစ်ပါတယ်။ ဒါ့အပြင် ဒီရောဂါတွေရဲ့ နောက်မှာ သားအိမ်ရောဂါတွေနဲ့ သားသမီးမရနိုင်တဲ့အထိ ဖြစ်စေနိုင်တယ်ဆိုတဲ့ ဆိုးကျိုးတွေရှိတယ်ဆိုတာ သိထားသင့်ပါတယ်။ ဒါကြောင့် အတွင်းခံဘောင်းဘီနဲ့ ပတ်သက်ပြီး မိန်းကလေးတွေလုပ်လေ့ရှိတဲ့ အမှားလေးတွေကို ပြောပြချင်ပါတယ်။

(၁) - ချွေးဆိုနေတဲ့ အတွင်းခံတွေကို မလဲတာ အားကစားလုပ်ပြီးတဲ့အခါမှာ အများစုက အားကစားဝတ်စုံကိုပဲ လဲပြီး အတွင်းခံတွေကို မလဲဘဲ ထပ်ဝတ်တတ်ပါတယ်။ ဘက်တီးရီးယားပိုးတွေက နွေးပြီး စိုစွတ်တဲ့ မှောင်နေတဲ့ ပတ်ဝန်းကျင်ကို သဘောကျကြပါတယ်။ဒီလို နေရာတွေမှာ ဘက်တီးရီးယားပိုးတွေက အရှိန်အဟုန်နဲ့ ပေါက်ပွားနိုင်တဲ့အတွက် ချွေးနဲ့စိုစွတ်နေတဲ့ အတွင်းခံတွေက ဘက်တီးရီးယားတွေနဲ့ မှိုတွေပေါက်ပွားရာနေရာကြီးတစ်ခု ဖြစ်သွားတတ်ပါတယ်။

(၂) လှတဲ့ အတွင်းခံတွေကို ရွေးဝယ်တာ နေ့စဉ်ဝတ်မယ့်အတွင်းခံတွေကို ဝယ်မယ်ဆိုရင် လေဝင်လေထွက်ကောင်းတဲ့ ချည်ထည်တွေကို ရွေးတာ အကောင်းဆုံးဖြစ်ပါတယ်။ ချည်သားမဟုတ်တဲ့ အလှအပ ဦးစားပေး အတွင်းခံတွေက တခါတလေဝတ်ရင် ပြဿနာသိပ်မရှိနိုင်ပေမဲ့ အမြဲဝတ်မယ်ဆိုရင်တော့ အရေပြားကို ပူလောင်စေပြီး ယားနာတွေ ဖြစ်စေနိုင်ပါတယ်။ ပိုးဝင်တာတွေကိုလည်း ဖြစ်စေနိုင်ပါတယ်။

(၃) အတွင်းခံတွေကို ထပ်ကာထပ်ကာဝတ်တာ မိန်းကလေးတွေက အလုပ်မအားတာ၊ ပျင်းတာစတဲ့ အကြောင်းအမျိုးမျိုးတွေကြောင့် အတွင်းခံတွေကို မလျှော်ဘဲ အကြိမ်ကြိမ်ဝတ်လေ့တတ်ကြပါတယ်။ လူမမြင်တဲ့အရာတွေဖြစ်တဲ့အတွက် အရေးမကြီးဘူးလို့ ယူဆတဲ့သူတွေလည်း ရှိပါတယ်။ နောက်ပြီး အတွင်းခံတွေကို မလျှော်ဘဲ စုထားပြီး တစ်ပတ်တစ်ခါ အလုပ်အားချိန်မှ လျှော်တဲ့အကျင့်ကလည်း မလုပ်သင့်ပါဘူး။ စိုစွတ်တဲ့ အတွင်းခံတွေလိုပဲ ညစ်ပေနေတဲ့ အတွင်းခံတွေကလည်း ဆီးလမ်းကြောင်းရောဂါ၊ အဖြူဆင်းတာ၊ မိန်းမကိုယ်ယားယံတာတွေကတဆင့် ရောင်ရမ်းပိုးဝင်တာတွေအထိ ဖြစ်စေတတ်ပါတယ်။

(၄) အရမ်းကျပ်နေတဲ့ အတွင်းခံတွေဝတ်တာ အရေပြားမှာ အရာထင်လောက်အောင် ကျပ်တဲ့ အတွင်းခံ ဘောင်းဘီတွေက လေဝင်လေထွက်မကောင်းသလို သက်တောင့်သက်တာလည်း မဖြစ်စေပါဘူး။ ဒါပေမဲ့ တင်းရင်းပြီး လှချင်စိတ်နဲ့ ကိုယ်နဲ့ မတော်တဲ့ အရွယ်အစားကို ရွေးချယ်မိရင် ယားယံတာ၊ ပိုးဝင်တာတွေ ဖြစ်စေနိုင်ပါတယ်။နောက်တစ်ချက်က တံဆိပ်ကို အဓိကမထားဘဲ ကိုယ်နဲ့သင့်တော်မယ့် အရွယ်အစား၊ ကျန်းမာရေးနဲ့ ညီတဲ့ ပိတ်စကို သုံးထားတဲ့ သက်တောင့်သက်တာရှိမယ့် ဘောင်းဘီမျိုးကိုပဲ ရွေးသင့်ပါတယ်။

(၅) အမွှေးနံ့ပါတဲ့ ဆပ်ပြာကိုသုံးတာ တစ်ခါတစ်လေမှာ အနံ့မွှေးတဲ့ အဝတ်လျှော်ဆပ်ပြာတွေက ဓာတုပစ္စည်းပါဝင်မှု ပိုများတဲ့အတွက် အရေပြား ယားယံတာတွေဖြစ်စေပါတယ်။ ဒါကြောင့် အတွင်းခံဘောင်းဘီ အင်္ကျီတွေကို လျှော်တဲ့အခါမှာ အနံ့မွှေးကြိုင်ဖို့ထက် သန့်ရှင်းဖို့ကိုပဲ ဦးစားပေးသင့်ပါတယ်။

Credit: Trend Myanmar

Facebook မှကြည့်ချင်တဲ့သူတွေအတွက် ဒီကိုနှိပ်ပါ
#အိမ်ထောင်သည်ကျန်းမာရေး
အန္တရာယ်ကင်းဘေးရှင်းဖို့ sex toys သုံးကျစို့
ဖုန်းဆော့ဝဲယူချင်ရင် ဒီကိုနှိပ်ပါ