ချစ်သူနဲ့ မခွဲချင်လျှင် ဒါလေးဖတ်ကြည့်ပါ(စုံတွဲတိုင်းဖတ်သင့်သည်)

သိတယ်မှတ်လား။
ကျွန်တော့်ဘဝက အချိုးမကျဘူး။ ရယ်စရာ ကောင်းနေတယ်။

ကျွန်တော်က
အချိန်တွေ ဖြုန်းပစ်နေတဲ့ လူတစ်ယောက်ပဲ။ စဉ်းစားကြည့်ပါ။ ကျွန်တော်က တက္ကသိုလ်ကြီး
တစ်ခုမှာ ပညာသင်နေတဲ့သူ။ ဒါပေမဲ့ တခြား ကျောင်းသားတွေနဲ့ သိပ်အစေး မကပ်လှဘူး။ ဘာကြောင့်တဲ့လဲ။
မသိပါဘူး။ ကျောင်းစာမှာလည်း ကျွန်တော် မပျော်ဘူး။ ဒီကြားထဲ မိဘရဲ့ စီးပွားရေးကလည်း
ကျဆင်းလာတယ်။ ကျွန်တော့် မိဘဆိုပေမဲ့ အဖေက သေနှင့်ပြီ်။ အမေနဲ့ နေရတာ။ အဖေသေတော့
ကျွန်တော်က အထက်တန်း ကျောင်းသားဘဝ။ ဒါကြောင့် နောက်ဆုံး တက္ကသိုလ်ကြီးက
ထွက်လိုက်ရတော့တယ်။ သူငယ်ချင်းတွေကတော့ စက်ရုံတစ်ခုမှာ အလုပ်သွင်းပေး ပါသေးတယ်။
နှစ်နှစ်လောက် အလုပ်လုပ်ပြီးချိန်မှာ အခြား အလုပ်သမားတွေနဲ့ စကားများပြီး အလုပ် ထွက်လိုက်ရပါတယ်။

နောက်ပိုင်း
အရောင်းတာဝန်ခံ အလုပ်ရပါတယ်။ အလွန်ပင်ပန်းတယ် ကျွမ်းကျင်မှုလည်း လိုတယ်။ အန္တရာယ်လည်း
ကြီးတယ်။ ဒါပေမဲ့ ကျွန်တော်ဘဝ လွတ်လပ်ရေး ရသွားတယ်။ ပိုက်ဆံတွေ ပိုရတယ်။ ဒီမှာကျွန်တော့်
သူငယ်ချင်းတွေ ကောင်းမှုနဲ့ ကျွန်တော် မိန်းမ ရှုပ်တတ်လာတယ်။ ကျွန်တော့် ရုပ်ကလည်း
မိန်းမတွေ ကြိုက်တဲ့ရုပ်။ ဒီလိုနဲ့ တစ်နေ့မှာ ဟိုတယ်မယ် တစ်ယောက်နဲ့ အတူ
နေထိုင်မိတယ်။ သူ့ကို ဟိုတယ်မယ်မှန်း မသိပါဘူး။

 ပြီးတော့
ဘယ်တော့မဆို ကွန်ဒုံးသုံးတာပဲ။ သူနဲ့ တော်တော်ကြာကြာ တွဲဖြစ်ခဲ့တယ်။ ဒါပေမဲ့ ကျွန်တော်
ဘယ်လောက်များ တုံးလိုက်အလိုက် ပါသလဲ။ သူက တခြားယောက်ျား တွေနဲ့လည်း ပရောပရီ နေတယ်
ဆိုတာကို ကျွန်တော်မသိခဲ့ဘူး။ တစ်နေ့တော့ ကျွန်တော်ရဲ့ ကွန်ဒုံးဟာ ပေါက်ပြဲ သွားပါရော။
ဒါပေမဲ့လေ တစ်ခါတစ်လေ ဆိုပြီး ကျွန်တော်က အမှုမဲ့ အမှတ်မဲ့ နေလိုက်ပါရဲ့
နောက်ပိုင်း သူနဲ့ ပြတ်သွားတယ်။

နောက်တော့
ကျွန်တော်ဟာ တက္ကသိုလ်ကျောင်းသူလေး တစ်ယောက်နဲ့ ငြိဖြစ်ပါတယ်။ သေချာတယ်။
အိနြေ္ဒရှိတယ်။ ကျွန်တော်က သူ့ကို တက္ကသိုလ် လိုက်ပို့တယ်။ ပြန်ကြိုတယ်။

တကယ့်ကို
ချစ်သူဘဝ ရောက်သွားကြပါရော။ သူက ယောက်ျားဆိုလို့ ကျွန်တော် တစ်ယောက်သာ တွေ့ဖူးကြောင်း
ဖွင့်ပြောတယ်။ ကျွန်တော်ကလည်း သူ့ကို မခွဲပါဘူးလို့ သစ္စာပြုတယ်။ သူ့ကို ကျွန်တော်
သိပ်ချစ်မိ နေပြီလေ။ သိတယ်မှတ်လား။ ဒါပေမဲ့ဗျာ..... ချစ်သူတို့ဘဝ ဆိုတာ ချစ်ကြိုက်
ကွဲညား မဟုတ်လားလေ။ နှစ်နှစ်လောက် အတွင်းမှာ ကျွန်တော်တို့ မကြာခဏ စကားများကြတယ်။
စိတ်ကောက်ကြတယ်။ ရန်ဖြစ်ကြတယ်။ နောက်ဆုံး လမ်းခွဲကြရတယ်။

ကိုင်း....
ကျွန်တော့်ဘဝ တစ်ကနေ ပြန်စရောပေါ့။ တစ်ကပြန်စ ဆိုတာက သူငယ်ချင်းဟောင်း တွေနဲ့
ပြန်တွေ့တယ်။ ရောရီရောရော လျှောက်သွားတယ်။ အလုပ်ကို သေသေချာချာ မလုပ်ဘူး။ အဲဒီထဲက
သူငယ်ချင်း တစ်ယောက်က ဟီးရိုးအင်း ဆွဲနေပြီ။ ကျွန်တော် တို့ကိုလည်း အက်ဖတမင်း
ဆေးပြားတွေ သုံးဖို့ မြူဆွယ်တယ်။ ပထမတော့ မသုံးဖြစ်ပါဘူး။ နောက်ကျတော့ ကျွန်တော်လည်း
ဘာသားနဲ့ ထုတာမို့လဲ။ အက်ဖတမင်း သုံးမိသွားပါရော။

ဟင့်အင်း။
ဟီးရိုးရင်းတော့ မသုံးရဲဘူး။ ဒါပေမဲ့ဗျာ ဆေးသုံးနေတုန်း ခဏပဲ မေ့လို့ရတယ်။
ဆေးပြယ်သွားတာနဲ့ သူ့ကို ပြန်သတိရနေတော့ တာပဲ။

ဟုတ်ပါ့
ချစ်သူကို။ နောက်ဆုံးတော့ ဟီးရိုးရင်းဘက်ကို ကျွန်တော် ရောက်တော့တာပဲ။ အကြောထဲကို
တစ်လှည့်စီ ထိုးသွင်းကြတာပါ။ ကျွန်တော့် အလှည့်ရောက်တော့ ကျွန်တော်က ပြောပါသေးတယ်
“ဆေးထိုးအပ်အသစ် သုံးချင်တယ်” လို့ ဒါပေမဲ့ သူငယ်ချင်းတွေက “တို့ကို ယုံဘူးလား”
ဘာညာပြောတော့ အားနာတယ်လေ။ သူငယ်ချင်းချင်း စိတ်ဝမ်း မကွဲချင်ဘူး။ ဒီလိုနဲ့ ဟီးရိုးရင်း
တစ်လလောက်လဲ သုံးပြီးရော ကျွန်တော်ဟာ ဘိန်းဖြူရဲ့ သားကောင် ဖြစ်သွားပြီဆိုတာ
သိလိုက် ပါတော့တယ်။ တစ်ခါတော့ အဲဒီထဲက သူငယ်ချင်းတစ်ယောက်ကပဲ တို့ လမ်းမှား
ရောက်နေပြီလို့ သတိပေးလာပါတယ်။ သူက အကြံပေးလို့ လုပ်ကြည့်တော့လည်း မဆိုးပါဘူး။
ဆေးသိပ်ပြီး ဆာလာရင် ရေချိုးကန်ထဲကို ရေခဲတွေဖြည့်ပြီး အကြာကြီး စိမ်နေလိုက်တယ်။
ဆေးထလာတာ သက်သာ သွားတယ်။ ဒီလိုနဲ့ လေးငါးရက်ကြာတော့ ကျွန်တော်စိတ် ပြောင်းသွားပါတော့တယ်။

ဘာပဲဖြစ်ဖြစ်
ကျွန်တော်ခုတော့ AIDS ရောဂါ စွဲကပ်နေပါပြီ။ ဘယ်သူမပြု မိမိမှုပါပဲ။ ကျွန်တော်ဟာ AIDS
ကုသရေး ဆေးရုံမှာ ရောက်နေပါပြီ။ ကျွန်တော့်ဘဝ မျှော်လင့်ချက် ကင်းနေပါပြီ။ နံပတ် ၁
တရားခံက ကျွန်တော် ဟိုတယ်မယ်နဲ့ တွဲမိတာ ဖြစ်ပါလိမ့်မယ်။ နံပတ် ၂ တရားခံက
ဆေးထိုးအပ် အလှည့်ကျ သုံးမိတာပါပဲ။ ဘာပဲဖြစ်ဖြစ် တစ်ခါမှားတာ တစ်သက်စာပေါ့။

ခုချိန်မှာ
ဆေးဝါးတွေက ရောဂါကို ခဏထိန်းထားရုံပဲ တတ်နိုင်ပါတယ်။ ကျွန်တော်ကလည်း သေမထူး
နေမထူးမို့လို့ တစ်ဖက်က ဆေးတွေစားရင်း တစ်ဖက်က ဘဝတူ လူနာတွေကို ကူညီစောင့်ရှောက် နေပါတယ်။
AIDS ဝေဒနာသည်များ စောင့်ရှောက်ရေး အသင်းမှာလည်း ကျွန်တော်ဟာ အဖွဲ့ဝင်
ဖြစ်နေပါပြီ။

စကားမစပ်ပြောရဦးမယ်
......
ကျွန်တော်မှာ
HIV ပိုး ရှိနေပြီဆိုတာ သိသိချင်း အကြီးအကျယ် ကြောက်လန့် ငိုယိုရင်း ဆေးရုံတက်ခဲ့
ရပါတယ်။ အဲဒီမှာ ဆေးရုံကို ပထမဆုံး လာပြီးကြည့်သူ ကျွန်တော်ကို မျက်ရည်တွေ ကြားက
ပြန်ပြီး အားပေးတာကတော့ “မေမေ” ပါပဲ။ မေမေက “သားတစ်ယောက်ထဲ ကွက်ဖြစ်တာမှ မဟုတ်ဘဲ။
အများကြီး ဖြစ်နေကြတာပါ။ အားတင်းပါ သားရယ်” လို့ ပြောပါ တယ်။ ဒုတ်ိယ
ရောက်လာသူကတော့ ကျွန်တော့် အမကြီးပါ။ သူကလည်း အားပေးနှစ်သိမ့်ရင်း ကျွန်တော်ကို
ပွေ့ဖက်ပါတယ်။ တတိယ
ရောက်လာသူ။ ဟုတ်ပါတယ်။

ကျွန်တော့်ကို AIDS ပညာပေးစာအုပ်ကို မျက်နှာအပ်ပြီး ဖတ်နေတုန်း
ကျွန်တော့် ခုတင်ဘေးမှာ လူတစ်ယောက် လာရပ်တာ သိလိုက်ရပါတယ်။ အဲဒီလူရဲ့ ရနံကို
ကျွန်တော် သိနေပါတယ်။ ပြီးတော့ ကျွန်တော်ကို နေကောင်းလားတဲ့။ ဒီအသံနဲ့ ဒီစကားကို
ကျွန်တော် ကောင်းကောင်းကြီး မှတ်မိတာပေါ့ဗျာ။ ကျွန်တော့် ချစ်သူလေ သူ ကျွန်တော့်
ဆီပြန်လာပါပြီ။ ၁၅၀၀ မေတ္တာနဲ့ မဟုတ်ပါဘူး။ သန့်စင်တဲ့ ချစ်ခြင်း မေတ္တာနဲ့ပါ။ သူက
ပြောတယ်။ “ရှင့်ကို ကျွန်မ နားလည်ပါတယ်” တဲ့။

အန္တရာယ်ကင်းဘေးရှင်းဖို့ sex toys သုံးကျစို့ 

ဖုန်းဆော့ဝဲယူချင်ရင် ဒီကိုနှိပ်ပါ

Credit :  HIM